Tottenham dhe Ajax përballen në gjysmëfinale të Ligës së Kampionëve, të dy skuadrat erdhën në këtë fazë, një hap larg finales në Madrid në mënyrë mjaft dramatike.
Tottenhami pësoi disfatë 4:3 në ndeshjen kthyese të çerekfinales kundër Manchester Cityt, mirëpo fitorja 1:0 u ndihmoi që të kalojë në gjysmëfinale.
Ajaxi, pritej nga shumë tifozë të eliminohej në çerekfinale, ku u përball me Juventusi. Mirëpo, fitorja 2:1 në Torino bëri që ata të kualifikohen në gjysmëfinale me rezultat të përgjithshëm 3:2.
-Tottenhami i ka fituar tetë nga dhjetë ndeshjet e fundit në shtëpi, në Ligën e Kampionëve. Gjatë kësaj ecurie, ata kanë pësuar vetëm një gol, mirëpo së fundi janë në një lloj krize, për shkak të lëndimit të kapitenit Harry Kane dhe Heung-Min Soni do të mundojë për shkak të kartonëve.
-Edhe pse e ka skuadrën me moshën mesatare më të re nga 32 klubet që morën pjesë këtë sezon në Ligën e Kampionëve, Ajaxi është i pamposhtur si mysafir në Ligën e Kampionëve. Fitoret kundër Real Madridit dhe Juventusit në fazën eliminatore e dëshmojnë se ata nuk frikësohen në skenën e madhe të futbollit.
-Nëse Ajaxi tregohet i suksesshëm, skuadra e tyre do të varet shumë nga mesfushori Dusan Tadic. Serbi ka qenë i përfshirë drejtpërdrejt në nëntë gola në Evropë këtë sezon, duke kontribuar me gjashtë gola dhe tri asiste. Para tij radhitet vetëm Messi, i cili ka kontribuar në 13 gola këtë sezon.
