Përfundojnë ndeshjet e javës së 4 në Europa League. Totenhemi ka shkatërruar thellë 4-0 Ludogoretsin. Londinezët zhbllokuan rezultatin në minutën 16 me Vinicius Zhunior. Dele Ali gjeti mjaft mirë sulmuesin që nuk gaboi përballë portierit kundërshtar. 18 minuta më vonë ishte sërish Vinicius që shënoi golin e dytë dhe dopietën e tij personale në këtë ndeshje. Sulmuesi mori një pasim fantastik nga Dele Alli që u tregua altruist duke i falur shokut të tij golin e dytë.
Ekipi i Murinjos gjeti dhe golin e katërt ndaj ekipit mik duke u hakmarrë për humbjen e pësuar në Bullgari. Winks shënoi në minutën e 63 golin e tretë, ndërsa Lukas realizoi golin e katërt, 10 minuta më vonë.
Napoli ka triumfuar pastër kundër Rijekës me rezultatin 2-0. Napolitanët gjetën avantazhin me Politanon në minutën e 40. Ai mori një pasim të mire nga Zieliniski në krahun e majtë dhe nuk e pati të vështirë ta dërgonte në rrjetë.
Në minutën e 75, Lozano dyfishoi shifrat për ekipin e Gatuzos. Insinje pasoi mjaft mirë dhe shoku i skuadrës nuk gaboi. Asisti i kapitenit ishte fantastik nga mesfusha.
Roma ka arritur rezultat pozitiv ndaj rumunëve të Kluj. Kryeqytetasit italianë zhbllokuan rezultatin në minutën e 49 të pjesës së dytë. Goli u shënua nga Veretut direkt nga goditja e dënimit. Në minutën e 67, ishte sërish Veretut që dyfishoi shifrat nga pika e bardhë e penalltisë.
