Pasi e cilësosi Bashën si një vartës të Ramës, ish-kryetarja e Kuvendit thotë se kreu demokrat nuk i përmend kurrë me emra oligarkët, pasi në darkë rri në vilat e tyre. Në një intervistë për “Shqiptarja.com”, ajo e cilësoi gjëndjen si alarmante, pasi sipas saj, vendi është pa qeverisje dhe pa opozitë.
https://tiranatoday.com/topalli-plas-bomben-basha-vartes-i-rames-aleanca-me-lsi-shuan-pd/
“Praktikisht vendi është pa qeverisje, dhe pa opozitë. Në fakt, për 3 milionë shqiptarë vendosin 4 politikanë, 10 oligarkë dhe disa grupe të fuqishme kriminale. E dëgjuat dje në konferencë Bashën pas vakancave të tij të gjata? Flet për oligarkë dhe nuk përmend kurrë një emër prej tyre, sepse në darkë e ke në vilat e tyre luksoze.
Dje tha se komisionerët publikë kishin lidhje me botën e krimit, dhe jo vetëm nuk ua përmendi emrat, por ai vetë i ka votuar me marrëveshjen me Ramën”.
Ajo u ndal edhe tek çështja e kufinjve, ku edhe më herët përmes një statusi në Facebook, ironizoi Bashën.
https://tiranatoday.com/topalli-ia-plas-ne-fytyre-bashes-mos-ia-vini-re-ai-nuk-ekziston/
“Ka më se një muaj që bota zien pas deklaratave të dy presidentëve të Kosovës dhe Serbisë, për ndryshimin e kufijve të Kosovës. Ky (Lulzimi) vetëm heshti për turpin e tij. Dhe foli vetëm dje, i fundit në botë, që më mirë të mos fliste”, u shpreh ajo.
