Një ndër figurat më kryesore në historikun e Partisë Demokratike, Jozefina Topalli, u bëri thirrje sot të gjithë demokratëve të mblidhen për të mbrojtur partinë e tyre nga pengmarrja e Lulzim Bashës.
Gjatë një deklarate publike për mediet, ajo hodhi një lumë akuzash për kryetarin e vetëpezulluar Basha, teksa tha se ky i fundit “nuk pranon barazi në garë, rregulla të drejta, proces zgjedhor transparent dhe konkurrencë idesh e personalitetesh”.
“Kërkojmë garë të barabartë, rregulla të ndershme, proces transparent, ballafaqim e debat dhe respektim të forumeve drejtuese sipas statutit”, iu drejtua ajo Bashës.
“I bëj thirrje Lulzim Bashës, të ndërpresë paligjshmërinë dhe pengmarrjen e partisë, se përndryshe do të përballet me revoltën e demokratëve që do të dinë të mbrojnë partinë e tyre” deklaroi Topalli, teksa u bëri thirrje gjithë demokratëve të vihen në mbrojte të PD-së.
Topalli nuk harroi t’i kujtonte Bashës edhe marrëveshjen e orëve të vona, siç e cilësoi ajo, ku iu dha goditja fatale Partisë Demokratike, duke nënkuptuar marrëveshjen Rama-Basha.
Basha bëri Ramën timonier ndërsa Rama e bëri Bashën konduktor”, ironizoi Topalli.
