Vijon “furtuna” në Top Channel! Listës së gazetarëve të shkarkuar i bashkohet edhe Sokol Balla, drejtues i emisionit “Top Story”.
Top Channel ka shkarkuar nga detyra drejtorin e informacionit Sokol Balla, duke ia besuar këtë detyrë Endri Xhafos, gazetari i larguar prej 2 muajsh nga Abc News, shkruan Newsbomb.
Xhafo do të mbajë detyrën e drejtorit të informacionit deri në një urdhër të dytë, kur të merret një vendim në mbledhjen e bordit.
Ende nuk është e qartë se çfarë ka ndodhur mes Sokol Ballës dhe bordit drejtues, ndërsa mësohet se Ballës nuk i është kërkuar të lëvizë nga “Top Story”, por mbetet për t’u parë vendimi që do marrë ish-drejtori tashmë për emisionin e tij.
