Shpresat janë rikthyer më shumë se kurrë për dy raste tejet problematike shëndetësore të bëra publike nga “Fundjavë Ndryshe”, pasi “Top Channel” ka marrë përsipër dhurimin për operacionin e Sonjelës 22.000 Euro dhe të Enesit 12.000 Euro. Kjo është një dritë në fund të tunelit, ku dy të miturit do kenë mundësi për t’iu rikthyer normalitetit, si të gjithë bashkëmoshatarët e tyre.
Sonjela Ymerllari, 13-vjeç nga fshati Alarup i rrethit të Pogradecit, vuan nga skolioza, me ndryshime të funksionit nervor të anësive të sipërme dhe të poshtme. Sëmundja ka avancur në 95% të saj, duke i prekur çdo organ, e duke i rrezikuar jetën. Për ndërhyrjen e saj nevojiten 22.000 Euro, të cilat tashmë janë siguruar. Ajo do të trajtohet në Turqi me ndërhyrje kirurgjikale.
Një lajm i shumëpritur ka ardhur edhe për 3-vjeçarin Enes Myteberi. Një sëmundje që i ka prekur trurin, e ka bërë 3-vjeçarin që të fshijë gjithçka nga kujtesa, duke mos njohur familjarët e tij. Enesi nga fshati Cangoj, Devoll, rrethi i Korçës vuan nga Sindrom Gjenetik GRIK2 dhe mund të humbasë jetën. Operacioni i tij kushton 12.000 € të cilat janë siguruar falë “Top Channel”. Tashmë djali do të kryejë një ndërhyrje në Turqi.
“LAJME TË MIRA
Menjëherë pas apeleve të dy rasteve shëndetësore në gjëndje të rëndë, ka reaguar TOP CHANNEL, të cilët kanë marrë përsipër dhurimin për operacionin e Sonjelës 22.000 Euro dhe të Enesit 12.000 Euro.
Faleminderit dhe mirënjohje Top Channel Media”.
