Pak ditë më pare, muret e Kalasë së Himarës u “veshën” me mbishkrime raciste ndaj shqiptarëve. “Katcifas nuk vdes kurrë” dhe “Himara është Greqi” kanë qenë disa prej shkrimeve.
Ndërkohë, autoritetet deklaruan se ka nisur pastrimi i parullave antishqiptare, ndërsa theksojnë se janë marrë të gjitha masat që kjo gjë të mos përsëritet, teksa pretendojnë se janë bërë nga fëmijët e zonës.
Ka qenë aktori i humorit, Florjan Binaj, ai i cili publikoi fotot në rrjetin e tij social “Facebook”, ku krahas tyre shkruante: “Një turp i madh që në mes të sezonit turistik, askush nuk bën asgjë për të fshirë këto shkrime ofenduese si : Himara është greqi dhe epir, në muret e kalasë së Himarës…Min e Turizmit si je? Nëse shkrime të tilla do bëheshin në Greqi do quhej incident diplomatik…kur bëhen në Shqipëri quhet sezon turistik…TURP!”
