Kryetarja e Lëvizjes Socialiste për Integrim, Monika Kryemadhi, publikoi dokumentet me të cilat ka akuzuar bashkinë e Tiranës se ka tjetërsuar tokën ku ishte ndërtuar gjimnazi “Sami Frashëri”.
Kryemadhi apeloi Prokurorinë që të zbardhë këtë rast të cilin e konsideroi si shkelje të ligjit.
Duke komentuar protestën e studentëve, kryetarja e LSI-së tha se qeveria i ka braktisur dhe pasi u mori paratë e tarifave të studimit vendosi mbylljen e universiteteve.
Monika Kryemadhi: Në 2020 regjistrohen më 21.04.2020 në Bashkinë e Tiranës, kjo është kartela e hipotekës, e pronës së shkollës Sami Frashëri, me numër pasurie 6/411. Kjo kartelë është e printuar po me datën 21.04.2020, është e shkruar, sepse në kuadrin e dixhitalizimit dokumentet dalin edhe me datën që printohet. Në fakt ka dhe një njoftim këtu për një okupim Pëllumb Veiz Lakollari për një sipërfaqe 45 metra katrorë truall, që nuk ka të bëjë për këtë.
Tani çuditërisht më datën 28.10.2020 printojmë përsëri kartelën e shkollës Sami Frashëri dhe na del listë bashkëpronarësh, nuk është më Bashkia Tiranë, por e regjistruar përsëri më 21.04.2020. Unë nuk jam prokurore që ta sqaroj këtë gjë, por këtë mund ta sqarojë shumë mirë Prokuroria. Unë e kam denoncuar ditën e hënë.
