Gjykata e Elbasanit ka dhënë masën e sigurisë ‘arrest me burg’ për 45-vjeçarin, Josif Kavaja, i cili tmerroi fshatin Zavalinë para disa ditësh, ku qëlloi me armë zjarri edhe ndaj Policisë së Shtetit.
Gjatë seancës që u zhvillua në Gjykatë, nën masa të rrepta sigurie dhe në zbatim të rregullave kundër Covid-19, Josif Kavaja është shprehur se nuk vuan nga probleme të shëndetit mendor, siç u deklarua në media.
Ai ka shpjeguar dhe rrjedhojën e ngjarjes duke thënë gjithçka ka nisur si pasojë e provokimeve të bëra nga një tjetër banor i zonës me të cilin ka pasur vazhdimisht probleme.
Prokuroria ka ngritur edhe dy akuza të tjera ndaj 45-vjeçarit Josif Kavaja, “Tentativë vrasjeje të efektivave RENEA” dhe “Tentativë vrasje të efektivëve të policisë së shtetit”.
