Pjesa më e madhe e viktimave nga zjarri në kullën Grenfell në Londër, nuk do të mund të identifikohen, bëjnë të ditur autoritetet e policisë.
Shkalla e lartë e djegies deri në karbonizim të plotë të trupave, nuk do t’ju japë mundësinë familjarëve të identifikojnë të afërmit e tyre.
60 të vdekur janë konfirmuar tashmë, por BBC e cila i referohet policisë londineze, raporton se numri i viktimave në gjendje të paidentifikueshme, mund të rritet ndjeshëm.
Shërbimet e emergjencës në ditën e tretë të tragjedisë, po kërkojnë për trupa në kullën e djegur.
Shefat e zjarrit thonë se nuk presin të gjejnë më shumë të mbijetuar, ndërsa kryeministrja Theresa Maj ka urdhëruar një hetim të plotë publik.
Policia tha të enjten se ata kishin nisur një hetim penal në zjarr.
