Detaje të reja janë zbuluar lidhur me kosovarin që dyshohet se është vrarë dhe djegur brenda makinës, e cila u gjet të shtunën në fshatin Derven të Fushë – Krujës.
Mjeti është në pronësi të shtetasit nga Kosova, me identitetin Xhaferr Osmani, rreth 57 vjeç, si dhe ka hyrë në Shqipëri me datën 29 Prill.
Njoftimi i policisë:
Krujë.
Informacion paraprak.
Më datë 05.05.2018, në Derven, në fundin e një toke është djegur një mjet.
Menjëherë në vendngjarje kanë shkuar uniformat blu, të cilët gjatë kqyrjes së mjetit kanë dalluar mbetje të një shtetasi të djegur, ende të paidentifikuar.
Specialistët për Krimet në bashkëpunim me Prokurorinë e Rrethit Gjyqësor Krujë po punojnë për identifikimin e personit të djegur dhe zbardhjen e plotë të shkaqeve të ngjarjes.
