Një ngjarje e rëndë ka ndodhur pak minuta më parë, ku një person i armatosur ka grabitur një pikë këmbimi valutor në Tiranë.
Mësohet se një person i armatosur me pistoletë ka kërcënuar punonjësit dhe është larguar duke marrë të gjitha paratë e ndodhura. Sipas informacioneve paraprake, ngjarja ka ndodhur pas qendrës tregtare “Ring Center”, afër rrethrrotullimit të “Zogut të Zi”.
Ndërkohë policia është nisur drejt vendit të ngjarjes.
Njoftimi i policisë:
Në Tiranë, në rrugën “Muhamet Gjollesha”, në një zyrë që i përket një institucioni financiar për kredidhënie në shuma të vogla, një person i maskuar, nën kërcënimin e një arme zjarri në dukje “pistoletë”, ka marrë një sasi parash dhe është larguar me vrap.
Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë.
Grupi hetimor po punon për identifikimin e autorit
