Tre persona kanë mbetur të vdekur nga një furgon në qytetin e Münster të Gjermanisë Perëndimore. Automjeti hyri mes turmës duke shkaktuar tragjedinë duke lënë pas 3 të vrarët dhe 30 persona të plagosur ndërsa në fund u vetëvra.
Sipas autoriteteve gjermane 30 të plagosurit janë në gjendje kritike për jetën. Ndërsa incidenti mbetet i paqartë dhe për këtë shkak autoritetet gjermane nuk e kanë cilësuar ende si akt terrorist.
Ndërkaq policia gjermane po kërkon eksplozivë në makinën e të dyshuarit që u fut mes turmës. Policia po verifikon gjithashtu informacionin për të dyshuar të tjerë, të cilët kanë dalë nga makina dhe janë larguar nga vendi i ngjarjes, tha një zëdhënës i policisë lokale, i quajtur Andreas Bode për median gjermane.
Ai konfirmoi se policia kishte gjetur një “objekt të dyshimtë” në makinën që përplasi turmën, por nuk pranoi të jepte ndonjë hollësi rreth saj.
Zyrtari i policisë tha se është ende e paqartë nëse objekti është një mjet shpërthyes. Shoferi i automjetit u vetëvra, konfirmoi policia gjermane për agjencinë e lajmeve “DPA”.
Policia u kërkoi njerëzve që ndodheshin aty për të shmangur kalimin në zonë dhe të largoheshin menjëherë në një vend të sigurt. Një burim sigurie i tha “Reuters” me herët: “Skenari është i tillë që një sulm terrorist nuk mund të përjashtohet.”
