Dy persona, 24 dhe 33 vjeç janë vënë në pranga, pasi një ditë më parë kanë goditur me sende të forta një 35 vjeçar. Specialistët për Hetimin e Krimeve në Komisariatin e Policisë Durrës, kanë arrestuar në flagrancë shtetasit me inicialet T. C., 33 vjeç dhe E. C., 24 vjeç, banues në Durrës.
35 vjeçarin e kanë plagosur, e po kështu e kanë mbajtur peng për disa orë. Aktualisht personi i plagosur ndodhet në spital, nën kujdesin e mjekëve.
Lidhur me këtë rast, materialet hetimore i kaluan Prokurorisë së Rrethit Gjyqësor Durrës, për veprat penale “Heqja e paligjshme e lirisë” dhe “Plagosja e rëndë me dashje”, e kryer në bashkëpunim.
Njoftimi i policisë:
Goditën me sende të forta një 35-vjeçar, arrestohen në flagrancë 2 shtetas.
Specialistët për Hetimin e Krimeve në Komisariatin e Policisë Durrës arrestuan në flagrancë shtetasit: T. C., 33 vjeç dhe E. C., 24 vjeç, banues në Durrës, pasi më datë 31.05.2020, pas një konflikti për motive të dobëta, kanë goditur me sende të forta shtetasin F. L., 35 vjeç, banues në Durrës, duke e mbajtur disa kohë në një dhomë në banesën e shtetasit E. C. Shtetasi F. L. ndodhet në spital, nën kujdesin e mjekëve.
Materialet i kaluan Prokurorisë së Rrethit Gjyqësor Durrës, për veprat penale “Heqja e paligjshme e lirisë” dhe “Plagosja e rëndë me dashje” e kryer në bashkëpunim.
