Brazili gjithmonë ka qenë problematik dhe shumë nga familjarët e lojtarëve janë prekur nga grabitje e pengmarrje nga grupe kriminale që më pas për ti liruar kërkojnë një shumë të konsiderueshme parash. Rasti më i fundit që ka tronditur opinionin publik ishte pengmarrja e nënës së sulmuesit brazilian të Shakhtar Donetsk, Taison Freda.
Policia e Brazilit ka bërë me dije se ka shpëtuar nënën e sulmuesit brazilian të Shakhtar Donetsk, Taison Freda. Rosanxhela Freda, 58 vjeç, ishte rrëmbyer nga 3 meshkuj dhe 1 femër, të cilët ishin pjesë e një grupi kriminal. Fqinjët e nënës së sulmuesit e kanë parë të gjithë skenën dhe menjëherë telefonuar policinë.
Policia ka ndërhyrë menjëherë dhe kanë bër të mundur ndalimin e autorëve në një qytet në Jug të Brazilit shumë afër kufirit me Uruguain. Familjarët e futbollistëve nuk rrëmbeheshin që nga viti 2004 ku ishte nëna e lojtarit Robinho që u mbajt për disa javë peng.
