Një burrë ka vrarë bashkëshorten e tij sonte pas një konflikti në familje. Ngjarja e rëndë ka ndodhur rreth orës 19:45 në Durrës.
Shtetasi Ç.Sh 42 vjeç, ka qëlluar me sende të forta të shoqen, Adriana Sh, 40 vjeçe, ndërsa ndodheshin në banesën e tyre.
Ajo është transportuar me spital, por nuk ka mundur t’u bëjë balle plagëve të marra në kokë.
Ngjarja ka ndodhur ne lagjen 15 ne Spitalle. Ndërkohë, autori është shoqëruar në polici dhe po merret në pyetje për zbardhjen e plotë të kësaj ngjarjeje të rëndë.
Rreth orës 08:10 në kryeqytet një djalë 31-vjeçar i mori jetën një 19-vjeçareje në zonën e “Don Boskos”
Njoftimi i policisë:
Durrës
Informacion paraprak
Më datë 08.06.2018, rreth orës 19:55 në Urgjencën e Spitalit Rajonal Durrës ka shkuar e lënduar në kokë dhe ndërruar jetë shtetasia A. Sh. 40 vjeçe banuese në lagjen Nr. 15, Durrës.
Nga hetimet e kryera ka rezultuar se autor i dyshuar është bashkëshorti i saj, shtetasi Ç.Sh. 42 vjeç, i cili e ka goditur me mjete të forta.
Shtetasi i mësipërm është shoqëruar në ambientet e Policisë Durrës, i cili po pyetet mbi rrethanat e ngjarjes.
Vijojnë hetimet për zbardhjen e plotë të ngjarjes.
