Një sasi e madhe droge është kapur sot në Itali. Kështu pas 1 ton droge në Spanjë, policia italiane sekuestroi 2 ton në detin Adriatik, ndërsa në pranga ranë 4 shqiptarë.
Edhe një herë ujerat e detit Adriatik janë bërë kanal i rëndësishëm për trafikun e drogës nga Shqipëria drejt Italisë. Kështu shkruajnë sot mediat italianë, teksa raportojnë për arrestimin e 4 shqiptarëve dhe sekuestrimin e 2 tonëve hashash.
Operacioni është bërë natën nga Guardia di Finanza në Otranto, pas një ndjekjeje të gjatë nëpër det të trafikantëve shqiptarë.
Ata janë bllokuar, pasi tentuan ti arratiseshin policisë, por pa mundur dot. Bashkë me drogën në bordin e mjetit lundrues u gjet edhe një kallashnikov. TIRANA TODAY
