Në periferi të Tiranës, një makinë ka përplasur për vdekje një këmbësor. Ngjarja ka ndodhur në orët e mbrëmjes së ditës së sotme në zonën e Vaqarrit.
Pasi ka përplasur këmbësorin, makina ka humbur kontrollin dhe ka përfunduar në kanal.
Gjithashtu në gjendje të rëndë është edhe shoferi i automjetit. Ai është transportuar menjëherë me ambulancë në spital për të marrë trajtimin e nevojshëm. I lënduar ka mbetur dhe një person tjetër që ishte pasagjer në makinë. Policia ka shkuar në vendngjarje për zbardhjen e situatës.
