Të gjithë ndërtuesit në Tiranë do t’i pagujnë një taksë shtesë prej 3% Bashkisë kryeqytetit. Ky ndryshim vjen në bazë të Ligjit të Strehimit Social. Sipas këtij ligji, ndërtuesit duhet të japin një kontribut shtesë tyre në arkën e bashkisë, që do të përdoret për politika sociale ose familjet në nevojë.
Ndonëse vendimi në Këshill Bashkiak kaloi ditën e djeshme, efektet e taksës do të llogaritën që prej datës 30 Tetor 2018, ditën që hyri në fuqi ligji për Strehimin Social.
Kryetari i Bashkisë e ka quajtur këtë një lajm të mirë, pasi sipas tij kjo do të shtojë të ardhurat në arkën e Bashkisë, por nga ana tjetër ajo që ngelet me pikëpyetje është mënyra sesi do të shpërndahet kjo taksë.
Siç ndodh në shumicën e rasteve, ende nuk dihet se mbi xhepat e kujt do të rëndojë kjo taksë. Ndërtuesit do të ulin fitimet e tyre, apo kjo taksë do të faturohet në xhepin e qytetarëve me rritjen e çmimit për apartamentet e reja.
