Një vajzë 13-vjeçare është rrëmbyer nga persona të paidentifikuar sapo zbriti nga furgoni i shkollës. Ngjarja ka ndodhur në rrugën “Ndre Mjeda”.
Sipas policisë, dyshohet se një person ende i paidentifikuar, ka marrë jashtë dëshirës në automjet një 13 vjeçare dhe është larguar.
Policia është vënë në ndjekje të automjetit dhe po punon intensivisht për identifikimin dhe kapjen e personit.
Sipas News 24, dëshmitaret kanë mundur të shohin makinën, për të cilën shprehen se ishte në ngjyrë të kuqe dhe e markës “Fiat Punto”.
Policia është vënë në alarm duke ngritur pika kontrolli në të gjithë Tiranën, ndërsa është njoftuar edhe policia e Fushë Krujës, Elbasanit dhe Durrësit.
