Në kryeqytet është plagosur me armë zjarri një efektiv policie, ngjarja ka ndodhur rreth orës 19:45 të mbrëmjes së sotme pranë ish Parkut të Autobusëve.
I plagosur ka mbetur punonjësi policisë së Komisariatit nr.1 , Ermal Bregu, i cili është dërguar në spitalin e traumës dhe është jashtë rrezikut për jetën.
Jashtë orarit të sherbimit, Bregu ka debatuar me dy shtetas banore të lagjes. Në konflikt e sipër njëri prej tyre ka qëlluar me armë zjarri ku për pasojë ka mbetur i plagosur shtetasi Ermal Bregu.
Forca të shumta policie kanë mbërritur në vendngjarje dhe po punojnë për identifikimin e autorëve dhe zbardhjen e plotë të ngjarjes.
