Pronarja e një çerdheje në Tiranë është nën hetim pasi një foshnje 18-muajshe i është thyer këmba gjatë qëndrimit në çerdhe. Sipas policisë, pronarja e çerdhes, një 46-vjeçare, po hetohet nga policia pas kallëzimit nga i ati i fëmijës. Policia njfotoi se është duke ndjekur veprimet për zbardhjen e çështjes pas kallëzimit të shtetasit me iniciale O.J, i cili ka akuzuar 46-vjeçaren V.H, për veprën penale kundrejt fëmijës së tij 18-muajsh. Materialet i kanë kaluar Prokurorisë pranë Gjykatës së Shkallës së Parë Tiranë, për veprime të mëtejshme.
Njoftimi i plotë i policisë:
Më datë 08.05.2021, u referuan materialet në Prokurorinë pranë Gjykatës së Shkallës së Parë Tiranë për shtetasen V. H., 46 vjeçe, pronarja e një Çerdheje, pasi shtetasi O. J., kallëzon se gjatë qëndrimit në Çerdhe ka dëmtuar dhe ka thyer kockën e këmbës foshnja e tij 18 muajshe. Punohet për sqarimin e rrethanave të ngjarjes. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
