Një plagosje me armë zjarri ka ndodhur rreth orës 09:30 në rrugën e Dibrës, në Tiranë.
Mësohet se shtetasi me iniciale V.K., 28 vjeç, është plagosur me armë zjarri nga një person i paidentifikuar. Ky i fundit është larguar menjëherë nga vendi i ngjarjes, ndërsa policia njofton se autori është i gjatë rreth 1.60 dhe është i veshur me rroba të bardha.
I lënduari është dërguar menjëherë në spital, ndërsa grupi hetimor ka sekuestruar në cilësinë e provës materiale gëzhoja të qitura nga armë e llojit pistoletë.
Janë ngritur pika kontrolli në hyrje dalje të zonës, ku ka ndodhur ngjarja dhe po vazhdon krehja e territorit.
Sipas të dhënave paraprake dyshohet se autori ka tentuar të grabisë argjendarinë me emrin “Kashara” nën pronësinë e V.K. Ndërsa ky i fundit, i plagosur është transportuar në spital ku ndodhet nën kujdesin e mjekëve. Grupi hetimor po vazhdon punën për identifikimin e autorit dhe zbardhjen e shkakut dhe rrethanave të ngjarjes.
