Një burrë dhe një grua kanë hipur në një vinç, nga i cili kërcënojnë se do të hidhen.
Vinçi ndodhet pranë Pallatit të Kulturës në Tiranë, ndërsa mësohet se burri dhe gruaja që kërcënojnë të hidhen janë Ferdinand Saraçi dhe Teuta Gjinollari.
Këta të fundit kërkojnë që të takohen me ministren e Arsimit, Lindita Nikolla dhe kreun e Bashkisë së Tiranës, Erion Veliaj.
Mësohet se burri dhe gruaja janë ish-të përndjekur dhe kërkojnë dëmshpërblim për vitet e burgut.
Policia ka mbërritur në vendngjarje dhe po negocion, që çifti të zbresë nga vinçi.
Në vendngjarje ka mbërritur edhe një i afërm i dy personave, i cili nuk ka arritur t’i bindë për të zbritur, ndërsa lartësia e vinçit është rreth 30 metra.
Policia ka rrethuar zonën dhe ka shoqëruar në komisariat rojën e kantierit, pasi cilësohet si përgjegjës që ka lejuar burrë e grua të futen brenda rrethimit.
UPDATE/ Fatmirësisht, pas dy orësh qëndrim në vinç, çifti ka zbritur nga lartësia prej nga ku kërcënonin se do të hidheshin. Burrë e grua zbritën nga vinçi pas negociatave me policinë dhe shërbimin zjarrfikës.
