Një bombol oksigjeni ka shpërthyer në një shtëpinë e një 72-vjeçari të infektuar me Covid-19.
Ngjarja e rëndë ka ndodhur mbrëmjen e djeshme në lagjen “Bajram Curri”, në kryeqytet.
“Më datë 15.11.2020, rreth orës 21:05, në bulevardin “Bajram Curri”, në banesën e shtetasit M. N., 72 vjeç, ka plasur bombola e oksigjenit, e cila përdorej nga ky shtetas pasi është i infektuar me COVID-19. Ky shtetas është dërguar në spital me ambulancë, për mjekim më të specializuar. Nga plasja e bombolës nuk kanë mbetur të dëmtuar persona të tjerë”, njofton policia.
Grupi hetimor po punon për sqarimin e rrethanave të ngjarjes.
Si paraqitet situata epidemiologjike në vend?
Shqipëria regjistroi një tjetër rekord sa i takon të rasteve të reja me Covid-19 në 24 orët e fundit.
Ministria e Shëndetësisë informoi se 602 persona rezultuan pozitivë, shifra më e lartë e regjistruar që nga fillimi i pandemisë.
Ndërkohë, 8 qytetarë nuk arritën ta fitonin betejën me virusin.
Aktualisht në 3 spitalet COVID, po trajtohen 406 pacientë.
COVID-19 – Statistika (16 Nëntor 2020)
Raste të reja ditore 602
Të shëruar ne 24 orë 564
Të shtruar në spitale 406
Humbje jete në 24 orë 8
Testime ditore 2,241
Testime totale 157,891
Raste pozitive 28,432
Raste të shëruara 13,453
Raste Aktive 14,348
Humbje jete 631
Shpërndarja gjeografike e rasteve aktive sipas qarqeve:
Tiranë 6890
Durrës 1164
Fier 1122
Korçë 846
Shkodër 836
Elbasan 785
Vlorë 650
Lezhë 633
Berat 454
Gjirokastër 467
Kukës 358
Dibër 143
