Temperaturave të ulëta dhe reshjeve të dëborës nuk i ka shpëtuar sot as kryeqyteti i vendit. Tirana është “pushtuar” sërish pasditen e sotme nga reshjet e dëborës pas atyre të një nate më parë. Bashkë me lagështirën që ka përfshirën kryeqedrën e vendit, dëbora vijon të bjerë me intensitet të lartë, edhe pse jo me të njëjtën dendësi sa në zonat e tjera të vendit.
Në disa qytete të vendit, veçanërisht në zonat malore temperaturat kanë arritur nën minus, ku përjashtim nuk ka bërë as bregdeti, i cili gjithashtu është përfshirë nga reshjet e borës.
Instituti i Gjeoshkencës, Energjisë, Ujërave dhe Mjedisit thekson se edhe në dy ditët në vijim do të mbizotërojë një mot i tillë.
TEMPERATURAT
Nesër (e mërkurë, dt.28) temperaturat minimale dhe maksimale të ajrit pritet të arrijnë:
në bregdet: +1 / 7
në vendet e ulëta: +1 / 5
në vendet malore: – 8 / 2 °C
ERA
Sot pasdite (e martë, dt.27) dhe nesër (e mërkurë, dt.28) era pritet të fryjë e lehtë deri mesatare.
RREZIKU NGA PËRMBYTJET
Nga llogaritjet hidrologjike e IGJEUM, rezulton se lumenjtë në të gjithë territorin do të kenë prurje të qëndrueshme përgjatë dy ditëve të ardhshme. Nga data 2 Mars 2018 dhe ditët në vazhdim tendenca e prurjeve do të jetë drejt rritjes.
Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.
