Prej vitesh në Tiranë, një prej problemeve kryesore vazhdojnë të mbeten trotuaret. Në shumë rrugë të kryeqytetit, kalimtarët përballen çdo ditë me kaosin që krijohet. Trotuaret e ngushta, apo në gjendje jo të mirë, detyrojnë këmbësorët të ecin në rrugën e makinave apo në korsinë e biçikletave. Kjo pasi, edhe atë pak trotuar që kanë, ia kanë zënë kioskat e vendosura nga Bashkia. Dhe në rastet më të shpeshta, makinat apo motorët të cilët qëndrojnë të parkuara.
Edhe pse rreth viteve 1999, nisi shkatërrimi i shumë kioskave në kryeqytet, ato filluan të shtohen gjatë vitit 2000, kur kryeqyteti drejtohej nga kryeministri Edi Rama.
Ndërkohë, sot, në një situatë kur hapësirat publike dhe trotuaret sa vijnë edhe ngushtohen, ecja është kthyer në sfidë për kalimtarët.
Një panoramë të tillë, e sheh në shumë prej rrugëve të Tiranës.
“Ku të kaloj aty unë, kur ka kaq shumë motorë. Këtu po nuk pate kujdes, ndodh gjëma.”
“Këto kioskat janë bërë si kërpudhat pas shiut. Çdo 10 metër, ke kioskë, janë bërë gjithandej, se kush i ka nuk e di.”
“Kioskat janë korrupsion i lali Erit.”
Qytetarët shprehen për Tirana Today se janë shumë të shqetësuar, pasi shumë herë kanë frikë të kalojnë me fëmijët e tyre. Mungesa e hapësirave të tyre për të kaluar, bën që çdo mëngjes ata të kalojnë rrugën e makinave, apo të përballen me ‘histerinë’ e atyre që përdorin biçikletat. Tirana Today
