Edicioni italian i revistës prestigjioze “Vanity Fair” ka kushtuar një artikull në kryeqytetin shqiptar, Tiranë, duke e etiketuar atë si një nga qytetet më interesante që vlen të shihet.
Arkitektura në zhvillim, arti modern dhe ushqimi i shijshëm janë disa nga elementët më interesantë të përmendur në këtë artikull, e cila gjithashtu flet për jetën e natës në Tiranë.
“Tirana kurrë nuk ndalet. Ju merrni këtë përshtypje duke lëvizur në rrugët kaotike të qytetit shqiptar. Vendet e ndërtimit, vinçat, skelat, arkitektët dhe punëtorët gjithmonë në proces të bërjes së diçkaje, ky proces, i cili synon ri-kualifikimin e qytetit, e ka vendosur Tiranën në vendet e para midis kryeqyteteve evropiane “, shkruan revista italiane.
‘Vanity Fair’ informon lexuesit se disa nga studiot arkitekturore më të njohura të Evropës aktualisht po veprojnë në Tiranë me ide dhe projekte si ajo e sheshit ‘Skënderbej’ i shtruar me gurë nga çdo zonë e vendit.
Kuzhina e shijshme që mund të shijoni në restorante të ndryshme moderne është gjithashtu pjesë e këtij artikulli.
Zona e Pazarit të Ri përmendet nga revista italiane si një nga veprat më të vlerësuara të realizuara në kryeqytetin shqiptar.
