Aeroporti Ndërkombëtar i Tiranës njofton qytetarët se për shkak të problemeve me sistemin TIMS, duhet të paraqiten 2 orë e gjysmë përpara. Burimet zyrtare thonë se fluturimet vazhdojnë sipas planit, por pasagjerët duhet të paraqiten mbi 2orë përpara fluturimit, për të shmangur çdo shqetësim.
“Aeroporti Ndërkombëtar i Tiranës njofton të gjithë pasagjerët se pavarësisht problemeve momentale me sistemin TIMS, operimet vazhdojnë pa vonesa në aeroport. Fluturimet vazhdojnë sipas planit, megjithatë, ju lutemi të jeni të pranishëm në TIA 2:30 orë përpara fluturimit për të shmangur çdo shqetësim”, njofton aeroporti i Tiranës.
Për shkak të mosfunksionimit të sistemit TIMS, regjistrimi i të dhënave të qytetarëve nga policia kufitare bëhet manualisht nëpër regjistra. Gjatë mbrëmjes së djeshme, në doganat e vendit ka patur radhë të gjata për shkak të sulmit kibernetik nga Irani në sistemin TIMS, i cili ende është jashtë funksionit. Hakerat kanë patur akses edhe në kamerat e sigurisë së pikave të kalimit kufitar, përfshi edhe Rinasin, duke kompromentuar rëndë sigurinë kombëtare.
