Duket një skenë e pazakontë ajo që po ndodh me Liverpoolin në kohët e fundit, një skenë që demonstron vështirësinë e një prej skuadrave më të kompletuara në vitet e fundit për të gjetur vazhdimësinë e humbur.
Humbja e rëndë kundër Manchester Cityt dërgoi një sinjal të rëndësishëm: ndërsa “Qytetarët” po vrapojnë drejt titullit me dhjetë pikë distancë, të Kuqtë po luftojnë dhe paguajnë për gabimet duke humbur pikë të rëndësishme nga ndeshja në ndeshje. Sigurisht që të humbasësh kokë më kokë me Sitin mund të ndodhë, por humbja e tre ndeshjeve radhazi në Anfield pas gjashtëdhjetë e tetë rezultateve të dobishme dhe shënimi i vetëm një goli në katër ndeshjet e fundit në tempullin tënd të bën të mendosh shumë.
Liverpooli është në një krizë të qartë identiteti. Kjo demonstrohet jo vetëm nga marrëzia ndaj ekipit të Guardiolës, për të cilën Alisson ka më shumë se një përgjegjësi, por nga tendenca e përgjithshme.
Hiq rezultate të shkëlqyera kundër ëest Ham dhe Tottenham dhe fitoren e kupës kundër Aston Villa, skuadra e Klopp ka humbur shumë terren. Humbjet rradhazi kundër Southampton, Burnely dhe Brighton, barazimi kundër Manchester United, dhe një nokaut tjetër me Djajtë e Kuq në Kupën e FA. Të gjitha shumë larg normalitetit që ka karakterizuar Liverpoolin në dy vite e gjysmë.
Një fakt i brishtësisë së kësaj skuadre vjen nga mbrojtja, një departament i copëtuar nga dëmtimet. Van Dijk është mungesa e madhe, Gomez dhe shpatulla e tij edhe mungesa e Matip duket se e ka komplikuar situatën. Henderson dhe Fabinho janë të adaptueshëm në mbrojtje, por golat e pësuar janë shumë: dhymbëdhjetë në gjashtë ndeshjet e fundit (përjashtim Leipzig).
Fitorja me Leipzigun, skuadër e cila duket se ka rifituar gjendjen e vet ideale, mund të jetë kthesa e shumëpritur nga tifozët dhe fanatikët e futbollit. Ajo performancë e nivelit të lartë kundër gjermanëve mund të bëhet trampolinë për një tjetër përplasje kyçe këtë javë, derbi me Evertonin ku fjala kyçe është vetëm një: suksesi, për të harruar gjithçka, siç thotë dhe kënga e të kuqve :”Në mes të stuhisë mbaje kokën lart”.
