Reagon për herë të parë ministri i Jashtëm Ditmir Bushati, pas ceremonisë mortore të Konstandin Kacifas. Në një postim në Tëitter, Bushati ka cituar një shprehje të ish-kryeministrit britanik Benjamin Disraeli, teksa shpjegon qëndrimin e autoriteteve shqiptare ndaj zhvillimeve të ditëve të djeshme në Bularat.
“Situatat janë përtej kontrollit njerëzor, por sjellja është pjesë e fuqisë tonë. Ne politikanët gjykohemi vetëm nga veprimet tona për të nxitur ose urtësuar situatat”, shkruan Bushati, duke i dhënë një përgjigje politikanëve në Greqi, por edhe kritikëve shqiptare që kërkuan reagim më të ashpër nga strukturat e shtetit.
Gjatë ceremonisë së varrimit të Konstandinos Kacifas pati provokime dhe thirrje të shumta antishqiptare.
Ndërkohë kryeministrat e të dy vendeve, Edi Rama dhe Aleksis Cipras e kanë dënuar këtë sjellje duke kërkuar qetësi, si dhe kanë theksuar se kjo situatë nuk prek marrëdhëniet e mira mes dy shteteve.
Benjamin Disraeli left us a piece of advice for all times: “circumstances are beyond human control, but our conduct is in our own power”. As politicians we are only judged by our actions to drive and tame circumstances. https://t.co/0tOCN8zLYY
— Ditmir Bushati (@ditmirbushati) November 9, 2018
