Thirrja e Trump: Ndaloni procesin e numërimit të votave

Presidenti i SHBA-ve, Donald Trump ka reaguar sërish në lidhje me procesin e numërimit të votave.

Përmes një postimi në rrjetin social, Twitter shefi i Shtëpisë së Bardhë kërkon ndalimin e këtij procesi.

”Ndaloni numërimin’’, shkruan Trump.

STOP THE COUNT!

— Donald J. Trump (@realDonaldTrump) November 5, 2020

Më herët gjatë ditës së sotme, ekipi elektoral i presidentit Trump ka njoftuar se do të nisër një proces gjyqësor në Nevada, me pretendimin e mashtrimit të votuesve.

Ndërkohë, ditën e djeshme, presidenti depozitoi padi në Gjykatë, ku kërkoi ndalimin e numërimit në shtetin e Miçiganit dhe të Pensilvanisë.

Gjithashtu, stafi i Trump kërkoi rinumërim edhe në shtetin e Wisconsin, pasi sipas tyre ka pasur parregullsi në disa qarqe të cilat ngrenë dyshime serioze në lidhje me vlefshmërinë e rezultateve.

Në Wisconsin, Biden ka fituar ndaj Donald Trump me një diferencë prej 1% të votave.

Sipas mediave amerikane, deri më tani kryeson kandidati demokrat, Joe Biden me 264 vota elektorale, ndërsa Donald Trump ka 214.