Arrestohet nga policia e Lushnjes biznesmeni shkodran Bardhok Planaj. Ky i fundit theu masën e sigurisë “arrest shtëpie”.
Ai përfundoi në pranga mesditën e sotme në Lushnje pas informacionit të marrë nga Policia e Shkodrës.
“Më datë 03.12.2018 nga Prokuroria pranë Gjykatës së Shkallës së Parë Shkodër është lëshuar urdhër-ekzekutimi në bazë të vendimit penal nr.1168, datë 29.11.2018, në të cilin është vendosur masa e sigurisë “Arrest në burg” për shtetasin Bardhok Planaj.
Për veprat penale “Pastrim i produkteve të veprës penale”, “Falsifikimi i vulave dhe stampave” dhe “Ndërtim i paligjshëm”. Është bërë sekuestro preventive e një pallati 10 katesh me vlerën 2 milion euro”, thuhet në njoftimin e policisë.
Planajt i është sekuestruar një pallat me vlerë rreth 2 milionë euro që besohet se është ndërtuar me para të pista. Po ashtu, ai konsiderohet si “kumbari” i Shkodrës.
