Një 20-vjeçar nga Australia është gjobitur me 5 mijë dollarë, pasi u kap në përpjekje për t’u larguar nga karantina, një ditë para përfundimit të saj.
Saktësisht, i riu u gjobit me 5,056 dollarë, pasi policia evidentoi që ai ishte përpjekur të largohej nga qendra e karantinës në Howard Springs.
The Guardian shkruan se 20-vjeçari do të mbahet edhe një ditë në këtë qendër, përpara se të lejohet që të largohet.
Territori Verior i Australisë e ka rihapur kufirin për të gjithë ata që vijnë nga rajoni Queensland, por disa rajone të tjera ende vlerësohen si vatra të rrezikshme të përhapjes së virusit.
