Pas publikimit të të dhënave, po paralajmërohet për një tjetër skandal të përmasave të mëdha. Gazetari Muhamed Veliu ka treguar mbrëmjen e djeshme në “Top Story”, se një tjetër informacion për një databazë të re është në investigim. Në këtë databazë janë një milion të dhëna qytetarësh, por të ndryshme nga këto që janë publikuar deri më tani. Ai zbuloi se një grup kriminal që vepron në Shqipëri përdorin numra SIM amerikanë, me qëllimin për të mos u përgjuar dhe ky detaj është verifikuar nga Policia e Shtetit.
“Një grup kriminal që vepron në Shqipëri, përdorin numra SIM amerikanë me qëllimin për të mos u përgjuar dhe ky detaj është verifikuar nga Policia e Shtetit.
Në patronazhistët ishte më e rëndësishmja numri i kartës së identitetit. Ai numër është specifik, dhe të bërit publik i atij numri ishte me të vërtetë çështje shqetësuese. Në 2011 në fushatën elektorale për zgjedhjet lokale dolën të dhënat e të gjithë qytetarëve të Republikës së Shqipërisë. Pra ka nisur që në 2011, ndërkohë që database ka qarkulluar që në 2009.
Top Channel është duke investiguar edhe një informacion për një tjetër database me një milion të dhëna të një aspekti krejt tjetër, por që kanë të bëjnë me të dhënat e qytetarëve. Nuk e bëj dot publik për shkak hetimesh”.
