Bashkimi i Kosovës me Shqipërinë që ndryshe është përfolur edhe si krijimi i “Shqipërisë së Madhe” është propagandë e Beogradit, thotë Presidenti i Kosovës Hashim Thaçi.
“Mediat serbe vazhdimisht e kanë në ballinë këtë term, ndërsa askush në Prishtinë apo Tiranë nuk e përmend Shqipërinë e Madhe. Ky term po përdoret nga Serbia për të justifikuar rolin e saj destruktiv në Kosovë, Bosnjë, por edhe në tërë Ballkanin Perëndimor”, ka thënë Thaçi.
Vlenë të theksohet se në mediat serbe ditë më parë shefi i diplomacisë serbe Ivica Daçiq, ka deklaruar se politikanët shqiptarë janë kërcënimi kryesor i paqes dhe stabilitetit jo vetëm në Ballkan por edhe në Evropë, dhe këtë BE duhet ta kuptojë.
