Presidenti i Kosovës, Hashim Thaçi ka thënë se dialogu në mes Prishtinës dhe Beogradit nuk është i lehtë dhe nuk ka alternativë, deri të njohjen nga Serbia për shtetin e Kosovës.
“Unë e kam udhëhequr luftën për çlirim të Kosovës, por e kam udhëheq edhe dialogun për fqinjësi të mirë me Serbinë. Sepse, kjo është domosdoshmëri. Ne kemi punuar për normalizim dhe pajtim, i besoj se kjo mund të ndodhë me plotë vështirësi. Dialogu s’ka alternativë, deri në njohjen nga Serbia për shtetin e Kosovës. Por, të dialogosh me Serbinë nuk është e lehtë”, ka theksuar Thaçi, sipas Zëri.
Ndër të tjera, Thaçi ka thënë se Serbia nuk din të fitojë luftëra, sipas tij din vetëm të fillojë po nuk din të fitojë.
