Presidenti i Kosovës, Hashim Thaçi ka bërë me dije se të gjitha partitë, përveç LDK-së janë shprehur pro formimit të Qeverisë së re pa shkuar në zgjedhje.
Duke u bazuar te kjo, Thaçi tha se t’i japë mandatin asaj partie apo atij koalicioni, që dëshmon se ka shumicën në Kuvend për krijimin e institucioneve të reja.
“Si rrjedhojë e diskutimeve, si dhe duke marrë parasysh që të gjitha partitë e përfaqësuara në Kuvend, me përjashtim të njërës, janë për formimin e Qeverisë së re, ndodhemi para pyetjes: Si rrjedhojë e vullnetit tuaj që vendi të ketë qeveri të re të dalë nga zgjedhjet e 6 tetorit, duke respektuar në tërësi dhe përpikëri Kushtetutën e Republikës së Kosovës, ligjet e Kosovës, do t’i jap mandatarin cilësdo parti që dëshmon se ka shumicën në Kuvend për të formuar qeverinë e re”, tha ai.
Presidenti i Kosovës tha se qeveria rrjedh nga Kuvendi, prandaj sipas tij propozimi duhet të rrjedhë nga partia politike apo koalicioni, që mund të ketë gjasa për krijimin e qeverisë dhe që do të marrë votat e nevojshme.
