Ramush Haradinaj ka uruar Ilir Metën për marrjen e detyrës së re si President i Republikës së Shqipërisë. Me anë të një postimi në Facebook, kreu i Aleancës për Ardhmërinë e Kosovës shpreh besimin se Meta do të luajë një rol të rëndësishëm në modernizimin e shtetit shqiptar.
Edhe Presidenti i Kosovës ka uruar homologun e tij shqiptar, të cilin thotë se e ka uruar nëpërmjet një telefonate, ndërsa shpreh bindjen se Kosova dhe Shqipëria do të vazhdojnë t’i qëndrojnë në krah njëra-tjetrës.
Statusi i Ramush Haradinajt:
I nderuar z President, Ilir Meta,
Ju uroj përzemërsisht marrjen e detyrës së Presidentit të Republikës së Shqipërisë!
Më lejoni tu shpreh konsideratën time më të lartë, dhe besimin se Ju do të luani rol të rëndësishëm në modernizimin e shtetit shqiptar, si dhe në forcimin e marrëdhënieve vëllazërore ndërmjet Republikës së Shqipërisë dhe Republikës së Kosovës. Po ashtu llogaris në ndihmën tuaj të pakursyer për shtetin e ri të Kosovës.
Njëkohësisht shpreh gatishmërinë time për një bashkëpunim të ngushtë në shërbim të interesit të përbashkët kombëtar.
Ju priftë e mbara!
RH
Statusi i Hashim Thaçit:
Sot zhvillova një bisedë telefonike me Presidentin e ri të Shqipërisë, z. Ilir Meta, të cilin e urova për detyrën e re.
Bashkëbiseduam për rëndësinë e përkushtimit tonë në forcimin e sundimit të ligjit dhe demokracisë, si dhe për perspektivën evropiane të dy shteteve tona.
Kosova dhe Shqipëria do të vazhdojnë t’i qëndrojnë gjithmonë përkrah njëra-tjetrës. HTH
