Teuta ka përmbysur në Durrës Kukësin kampion që në pjesën e parë. Sulmuesi i verilindorëve ka shënuar një gol fantastik në sy të trajnerit të kombëtares kuqezi, Christian Panuccit. Ekzekutimi që ka bërë Guri në aksionin e golit ka qenë me të vërtetë fantastik dhe nga një kënd i vështirë, por duke përfituar edhe nga dalja e gabuar e portierit Moçka.
Ndërsa vetëm 5’ minuta ka zgjatur festa e golit, pasi vendasit kanë barazuar me anë të një 11-metërshi të kthyer në gol nga Hila. Ndërsa në fundin e të parës kapiteni Cyrbja ka shënuar një gol mjaft të bukur, duke depërtuar mjaft mirë nga e djathta deri në zonë dhe kalon topin mes këmbëve të portierit duke e dërguar në rrjetë.
