Tetë javë pa fitore, soset durimi i shefave të Dortmund

Borussia Dortmund ka vendosur largimin nga stoli i trajnerit Peter Bosz, pasi ekipi ka disa javë që vetëm mposhtet dhe nuk ka shenja për përmirësim. Sipas informacioneve të Bild, Borussia nuk kërkon të vazhdojë sezonin me trajnerin. Pas disfatës së fundit brenda në Signal Iduna ndaj Werder Bremen (1-2) klubi më në fund ka marrë situatën në dorë. Shkarkimi do të zyrtarizohet ditën e nesërme.Pas humbjes ndaj Bremen, shefi Hans-Joachim Watzke dhe drejtori Michael Zorc kanë zhvilluar një takim emergjent në filialet e klubit dhe vendosën t’i japin dorën trajnerit holandez. Bosz u ul në stolin e Verdhekuqve gjatë verës së kaluar. Por pas rezultateve negative të javëve të fundit, teksa ka tetë javë që nuk shijon fitoren, rrugët e tij do të ndahen me ato të klubit gjerman.