Një i ri është vënë në pranga, pasi ka terrorizuar një çift me breshëri kallashi. 23-vjeçari, pas një konflikti me çiftin P. N. dhe V. N. banues në Adriatik, ka shkuar duke qëlluar me armë zjarri në ajër pranë shtëpisë së tyre. Shtetasi me inicialet D. Gj., 23-vjeç, banues në Lezhë, është arrestuar dhe tani do të përballet me akuzën e “armëmbajtjes pa leje” dhe “kanosjes”. Nga ana e policisë është sekuestruar në cilësinë e provës materiale arma e zjarrit automatik, me një krehër me 24 fishekë.
Njoftimi i policisë:
Në vijim të veprimeve, nga specialistët për Hetimin e Krimeve në Komisariatin e Policisë Kurbin u arrestua në flagrancë shtetasi D. Gj., 23 vjeç, banues në Lezhë.
U sekuestrua në cilësinë e provës materiale arma e zjarrit automatik me një krehër me 24 fishekë.
Materialet do i kalojnë Prokurorisë pranë Gjykatës së Shkallës së Parë Kurbin, për veprat penale “Mbajtja pa leje e armëve dhe municionit luftarak” dhe “Kanosja”.
