Një 29 vjeçar i cili është përgjegjës për disa sulme, është vënë në pranga nga policia spanjolle. Abdel-Majed Abdel Bary, pjesëtar i grupit terrorist ISIS, është arrestuar në Spanjë. Bary kishte përfituar nga bllokimi i shkaktuar prej pandemisë, për të qëndruar i fshehur në Spanjë. Por policia ka arritur që ta identifikojë vetëm nga veshët e tij, pasi mbante maskë mbrojtëse. Në deklaratën e policisë, thuhej se identifikimi është bërë falë formës së veshëve.
“Forma e veshëve të tij ishte pikërisht detaji që na mundësoi identifikimin e tij. Bary është një nga terroristët që shpesh herë ka ndarë imazhe të tmerrshme në media sociale, teksa mbante në dorë kokën e një të ekzekutuari në Siri.
Ai u kthye në një ekstremist mysliman dhe u largua nga Londra, ku banonte. Mendohet se ai ka arritur në Spanjë nëpërmjet varkës.
Sipas informacioneve tona, 29 vjeçari po tentonte të rikthehej në Britani. Momentalisht po mbahet në një burg afër Madridit, duke pritur ditën e gjyqit”.
