Tre persona kanë vdekur dhe 12 të tjerë kanë mbetur të plagosur, pasi një person i paidentifikuar ka qëlluar me armë zjarri në një festival ushqimit në Kaliforni.
Autori i krimit ra në prangat e policisë, mirëpo, zyrtarët po hetojnë raportet se një i dyshuar i dytë mund të jetë në arrati.
Ndërkohë, një dëshmitar ka thënë për televizionit NBC se personi që hapi zjarr ndaj pjesëmarrësve ka qenë një njeri i bardhë, rreth të 30-ve.
Në një video të publikuar në rrjetet sociale, dallohet momenti teksa njerëzit vrapojnë të alarmuar për të gjetur një vend të sigurt.
Ky festival organizohet nga vullnetarë të komunitetit, të cilët mbledhin të holla për shkollat lokale, bamirësi dhe organizata joqeveritare.
