Greqia është shkundur sërish nga lëkundjet e tërmetit. Një tërmet është ndjerë në brigjet e ishullit të Kefalonisë, 36 kilometra në jugperëndim të Lixourit. Burimet nga mediat vendase njoftojnë se tërmeti ka ndodhur në zonën detare midis ishujve të Zakinthos dhe Kefalonisë, në orën 10:36 të ditës së sotme, ndërsa sipas Institutit Sizmologjik Euro-Mesdhetar, forca e lëkundjeve ishte 5.3 ballë të shkallës Rihter, me thellësi 10 kilometra. Nuk ka raportime për të lënduar apo dëme materiale.
