Mbrëmjen e djeshme, California u trondit nga lëkundjet e forta të tërmetit, me intensitet 7.1 ballë. Ky ishte tërmeti i dytë, pas atij prej 6.1 ballësh që ra të enjten në po këtë qytet.
Nga lëkundjet e forta të tërmetit janë habitur edhe dy drejtuesit e lajmeve të CBS që ishin në transmetim direkt. Të dy ata shihen të kenë përjetuar momente paniku në studio, teksa spikerja dëgjohet t’i thotë kolegut të saj që ta ndërpresin transmetimin dhe të futen poshtë tavolinës.
Ky tërmet raportohet të ketë zgjatur më shumë se ai i pari dhe është cilësuar si më i fuqishmi, i 20 viteve të fundit.
