Pasi vendosi nën hetim 10 prokurorë të Krimeve të Rënda, kryeprokurorja Marku shkarkoi dhe njeriun e saj të besuar, Sokol Stojani. Urdhri i kryeprokurores mban datën 19 shtator.
Pas ndodhive të fundit në Prokurorinë e Krimeve të Rënda për çështjen ‘Shullazi’, vjen edhe reagimi nga ana e Partisë Socialiste. Deputetja e PS, Ermonela Felaj, njëherësh kryetare e Nënkomisionit për Vettingun në polici, në një deklaratë për mediat e gjykoi të drejtë masën e vendosur nga Marku për këta prokurorë, ndërkohë që 3 prej tyre u transferuan.
https://tiranatoday.com/situata-del-jashte-kontrollit-shullazi-fut-ne-sherr-arta-markun-me-prokuroret-dorehiqet-sokol-stojani/
Po ashtu ajo tha se Prokuroria është një organ i pavarur, dhe se çdo ndërhyrje e tyre do të ishte ndërhyrje në Kushtetutë. “Mbështesim punën e prokurorëve. Ka më shumë gjera që si ndajmë me opozitën, sesa i ndamë. Prokuroria është organ i pavarur, dhe çdo ndërhyrje jona do të ishte ndërhyrje në Kushtetutë. Është marrë një masë dhe është marrë një përgjigje për atë masë. Më duket masa e natyrshme”, tha ajo.
Sakaq, Prokuroria e Krimeve të Rënda bëri me dije se është caktuar grupi i prokurorëve që do të përfaqësojnë në gjykim çështjen “Shullazi”, por emrat nuk bëhen të ditur deri në seancën gjyqësore të radhës, pra më 25 shtator.
https://tiranatoday.com/merr-fund-ping-pongu-i-ceshtjes-shullazi-caktohen-prokuroret-emrat-mbahen-te-fshehte/
Seanca e pretencës do të mbahet më 25 shtator, ndërkohë kryeprokurorja e Krimeve të Rënda, Donika Prela, ka kërkuar ndërhyrjen e Arta Markut për të gjetur prokurorë të rinj.
