Pas lirimit nga burgu të Ermal Hoxhës, ish-ministri i Drejtësisë, Ylli Manjani nuk ka qëndruar në heshtje, por ka dhënë një ndër komentet e tij ironizuese.
“Çfarë mjeshtrash!
Bëri çështje publike Tërmetin që i këndoi Enverit. Ndërkohë, Ermali nipi i Enverit, doli nga burgu. Pa u ndjerë…
https://tiranatoday.com/termet-peci-hedh-shashken-e-radhes-kritika-nga-rama-as-numrin-nuk-ia-kam/
Në ditën e fillimit të shkollës, vuri në zbatim tarifën e “Rrugës së Kombit”. Vetë fliste nga shkolla “Kosova”, ndërsa kosovarët paguanin për të hyrë në Tiranë…
Mjeshtra propagande!
Të na bëjë mirë!”, shkruan ai, ndërsa komentet nga ana e ndjekësve janë të shumta.
Ermal Hoxha u dënua nga Gjykata e Krimeve të Rënda në korrik të 2017 me 10 vite burgim me gjykim të shkurtuar, së bashku me anëtarët e tjerë të grupit ‘Xibraka’. Nga gjykimi i shkurtuar, dënimi zbriti në 6 vite dhe 8 muaj burgim.
Vendimi
Gjykata e Apelit për Krimet e Rënda me një vendim në nëntor të vitit 2017, pranoi kërkesën për gjykim të shkurtuar për grupin e Xibrakës, duke i ulur 1/3 e dënimit për të gjithë të akuzuarit.
Një kërkesë e tillë ishte refuzuar më parë nga Gjykata e Shkallës së parë. Nipi i ish-diktatorit Enver Hoxha, Ermal Hoxha, do të vuajë vetëm 6 vite e 8 muaj dënim me burg, nga 10 që kishte vendosur Gjykata e Shkallës së Parë.
Nipi i Enver Hoxhës, Ermal Hoxha, ishte mes 9 të arrestuarve të akuzuar për “Trafik droge”, dhe pjesë e grupit të strukturuar kriminal. Ai u arrestua pasi më parë ishte filmuar nga agjentët e policisë në laboratorin e drogës në Xibrakë të Elbasanit.
Ermal Hoxha kishte vizituar vendin ku përpunohej pluhuri i bardhë, dhe kjo e ka implikuar. Në shtëpinë e vjehrrit në Durrës, u gjend edhe automjeti i tij tip “Volvo” me ngjyrë blu, e cili iu nënshtrua një kontrolli të imtësishëm nga ana e specialistëve të antidrogës.
