Një tërmet me magnitudë 6.2 ballë ka goditur Zelandën e Re, duke shkaktuar ndërprerjen e punimeve të parlamentit.
Tronditja u ndje më shumë në Zelandën e Re qendrore, duke përfshirë kryeqytetin Wellington. Thellësia e tërmetit arrinte në 207 kilometra në jug-perëndim të Taumarunui.
Njerëzit janë tmerruar teksa kanë parë shtëpitë e tyre duke u lëkundur dhe pikturat që kanë rënë nga muret si pasojë e tronditjeve të forta.
Ndërkohë, nuk ka pasur raportime për dëme serioze apo për të plagosur.
Kryeparlamentarja Anne Tolley mori vendimin për shtyrjen e seancës kur lëkundjet e forta ndërprenë fjalimin e një deputeti.
“Nuk e mendoja kurrë se duhej të ndërmerrja këtë vendim. Ndërpremë punimet derisa e morëm vesh se çfarë po ndodhte. Ne ndodhemi në ndërtesën më të sigurt mbase në vend, por për t’u siguruar morëm disa këshilla”, tha kryeparlamentarja.
