Gjashtë termete kanë tronditur natën e kaluar rajonin e Ohrit. Më i forti me magnitudë prej 3,7 ballësh sipas Shkallës së Rihterit është regjistruar sot në mëngjes në orën 7:18 minuta dhe pak minuta para tij është evidentuar një tjetër tërmet me Magnitudë prej 3,3 ballësh.
Katër tërmete të tjera u regjistruan në orën 1:07 minuta pas mesnate me magnitudë prej 3,3 ballësh, në orën 2:52 (2 ballë), në 4:32 (3,1 ballësh) dhe në 6:54 me magnitudë prej 2,8 ballësh.
Epiqendra e të gjitha tërmeteve ka qenë në rajonin epiqendror të Ohrit.
Nga data 18 qershor e deri më sot në rajonin e Ohrit janë regjistruar mbi 1.000 tërmete. Më i fuqishmi ishte më 3 korrik në orën 13:18 me magnitudë prej 5 ballësh sipas Shkallës së Rihterit, shkaktoi shqetësim te banorët dhe turistët, ndërsa janë paraqitur edhe dëme të vogla material. Duket se banorët të trembur nga situata që po përsëritet vazhdimisht në intervale të shkurtra kohore, kanë zgjedhur të largohen nga qyteti.
